خناقة وردح بين سما وميدو بسبب التعليق على فستان رانيا يوسف

في اطار الجدل الدائر حول فستان رانيا يوسف والذى ارتدته في ختام مهرجان القاهرة السينمائي، علق ميدو على الفستان عبر حسابه قائلا: "فستان رانيا يوسف وحش جدا بصراحة، بس انتوا مال ابوكوا هو عريان ولا لأ ؟ هتنزلوا معاها القبر تتحاسبوا؟ والله والله والله 70٪ من اللى هاجموها لو شافوها هيبوسوا ايديها ورجليها كمان".

وهذا التعليق لم ينل إعجاب سما المصري، التي قامت بمهاجمة ميدو بتغريدة، أبدت فيها اعتراضها على كلمة "انتوا مال أبوكوا"، مبررة ذلك أن النقد حق لأى شخص.

وقالت سما المصري لميدو "لا لا لا حاسب بس.. احترم نفسك فى الكلام معانا أومال.. أنا واحدة بانتقدها يبقى مال أبويا ؟؟ طب وانت كمان مال أبوك؟؟ انا حرة انتقدها بمزاجى طب ما في ناس بتتنقدنى اطلع أقولهم مال أبوكم ؟؟

وأضافت سما: "اختشى على دمك كل واحد له حق النقد طالما ما بيجرحش فى حد.. ايه هندبح الناس ونجيب سيرة أبوهم وأمهم علشان بينتقدونا؟؟ أنت عاجبك الموضوع ولا هي صاحبتك انتوا أحرار لكن هتجيب سيرة الأب والأم هنجيب سيرة أبوك وأمك دا لو انت قلت كده بجد؟؟..

وتابعت سما موجهة حديثها لميدو: "وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه ؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية".

واختتمت سما: "بلاش التعالي ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم في الموضوع ليه بأه ؟؟ عيب على اسمك وتاريخك تتكلم كده مع الناس.. أنت بتكلم بنى آدمين ذيهم، أنت مش أحسن منهم، ولا على راسك ريشة ياسي كابتن إنت".